تكفين يمه [ خلي الباب مصكوك ] ..........ز

قالت لي امي ياولدي شف [شبابك]
وارفق على نفسك ترا الناس شافوك

شافوك متغير وحاضر غيابك
ومتشتت فكرك وللهم [مملوك]

وقالت لي اسمع كنت احس بصوابك
ابكي دموعي هم واشكي على [ابوك ]

كنت ارتجي ظلك وماطر سحابك
ونسمة هواك اتشيل عن دربي [الشوك]

ارضى عذابي لجل اشتت عذابك
مابي تحس انك اذا طحت[ متروك]

عهد الطفولة كنت احضن ثيابك
لارحت تدرس وانتظرهم يردوك

واشرب بقايا مابقا من شرابك
لارحت مستعجل وخايف يخلوك

اساعدك تحفظ.. اجلد كتابك
[اضمك ] ان رديت متعب ومنهوك

اليوم ليش اليوم زاد اكتئابك
واللي يبونك.. من سواياك [عافوك ]

لاياولدي ارحم[ فؤاد] حيابك
لاتقطعه احزان. وجروح. وشكوك

قل لي علامك [قافل] اليوم بابك
عن ربعك وناسك كفا باب مصكوك

والناس اللي [تحرق لهم مابقابك]
مااظنهم كثر الذي فيك حبوك

ابسألك وانطر حبيبي جوابك
تدري بأن الناس [مافيوم حسوك]؟

امسح دموعك لايخيب الرجابك
منت الذي يضعف [وينهار ارجوك ]

واقفت... وانا ساكت وفكري متشابك
وجسمي كأنه بالسياجات [مشبوك ]

ناديتها [ يمه ].. ذبحني عتابك
تكفين يمه.. [خلي الباب مصكوك]

......
تحياتي

بصراحه وقفت كلمااااتي امااااام جملك الماسيه سلمت يدااااااااااااااااااااااااكي عالطرح

يسلموووووووووو ع المروووووووووووووور الحلو لاعدمناك

ابداع حقيقي
تسلمي عالكلمات الروعه

يسلمووووووووووووو بقايا ع المرور

يسلمووووو غصون لاعدمناك
كلماتك اكثر من رائعه

يسللمووووووووو ع المرور لاعدمناك

يسلمووووووو من جد كلمات راقيه ومؤلمه

يعطيج العافيه

يسلموووووو ع المرور الحلو يا قمر