ماهو تفلسف الا موقف صار واسمع ثاني بيت

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )

ادري بان جمع ( الصعوبه والبساطه ) شي محـال !!
لكنها صارت كذا ! واللـي (( اهـم )) انـي دريـت :

ان الحيـاه فبعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)

يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!

شفني قدرت احبس دموعي بس ( دمع القاف ) سـال
ويا كبرها ساكـت ولكـن داخـل اوراقـي بكيـت !!

عمر الحكي ما كـان دافـي لاابتـدى بقولـة تعـال
لجـل اتجاهـل رجفـة حروفـي اليامنـي حكيـت ..

الحـال فـي بعـدك قسـم بالله مـا اسميـه حـال
انوي على الضحكه واحس كلي خطا لانـي نويـت ؟!

اتصور انك مـن رحلـت اشوفـك لجسمـي ظـلال
لا شفته امشي ببتعد واثره معـي مهمـا مشيـت !!

مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..

يرضيك ما عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!

صرت ( اعقد حجاجي ) اذا جابـوك باطـراف الجـدال
وانا قبل لاقالوا اسمـك كنـي : ميـت ثـم حييـت!؟

تعبـت اعيـش الـدور وافتـح للمعاذيـر الخـيـال
واتخيل انـي جيـت فـي بالـك وبانـك استحيـت!!

وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )

حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..

قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..

ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!

واذا بـلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت

بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )

تحيــــــــــــــــــــااتيــ
امووونة

واااااااااااااو

ذوووووووق غلاااااااااي

اشعاااااااااارجونان

يسلمووووو قلبووو

يسلمووو على المرور فديتك

نورتي

يسلمووووخيووو
على الكلام الرائع
ويعطيش الف عافيه
تحياتي
عـــــــــــــــــــــــــــــسوله