مانيب بالدلوعه ولا قلت امبيه

لاخير بانسان رمى ثوب ماضيـه
وبالتاليه يسعى لطمـس الهويه

للشمس نور يحسب إنّه يغطيـه
ما يدري كفوفـه بنـوره خفيّـه

وأنا فدا الماضي ليا حل طاريـه
أنسى الحياة المترفـه والشقيّـه

طبع البداوه عشقي وميّتـه فيـه
وكلي فخر لاقالـوا إنـي بدويّـه

إيه ابدويّه آخذ الخيـر وأعطيـه
وأبادل المعطي جزيـل العطّيـه

إيه ابدويّه وأزرع الطيب وأجنيه
الطيب زرعي ما زرعت الرديّـه

إيه ابدويّه لو تزيـد المشاريـه
ببقى على عهـد البـداوه وفيـه

ماألاحق الموضه بسوق المسافيه
اللي لهن كل يوم روحـه وجيّـه

الله سترني ، ثوبهم ذاك ماابيـه
لاصار تطريزه بسلـك الخطيّـه

ماني من اللي أثبت العكس وأنفيه
وبيني وبين العيب حوض المنيّه

ومانيب دلّوعه ولا قلت : (أمبيه)
ولالي على كثر الدلـع مقدريّـه

رزينه وثقلي على الخـفّ أبديـه
دام الثقـل زينـه لعقـل البنيّـه

كرامتي نجم سطـع فـي لياليـه
ولاذلّني مخلوق ما دمـت حيّـه

لنفسي عليّه دين لاشـك أبوفيـه
ولا دفعت لمقتـل الخـوف ديّـه

وأقول للي جهل الأيـام معميـه
مولوده ، وعشت ، وبموت ابدويه

وســــــــــــلامتكم

سلمت يداش اختي قمرو او دوم التقدم

الى المام سر

ملك الاحزان

صح لسانك خيوو قموره

بصراحه حلو وانشاء نشوف منك الي احلى واحلى

تحياتي الوتر الحزين

كلمااات في قمة الابداااع
الى الاماام قمورة
متعودين من كل مااهو جديد
لاعدمناااكي
تحيااتي

يسلموووو يا الغااالين

على مروركم