وجه المدينه..؛

بالله ارجع ضاق وجه المدينه..

تبكي شوارعها من اسباب فرقاك..
حتى المباني من فرقاك حزينه..
الريح صوت ونبره الحزن شباك..
والليل بيح في غيابك حنينه..
ينشد نجومه وين طلعت محياك..
برد وظلام ودمعته وسط عينه..
راح يتلمس في زواياه يمناك..
كنه طفل غاب الفرح عن سنينه..
يشتاق لك ويحن لك ويترجاك..
والشمس تطلع تسأل الليل وينه..
تقطع خيوط الليل من شان تلقاك..
توقف وتمشي كنها لك رهينه..
تمشي وتوقف في سماها اتحراك..
ياصاحبي صاحبك الله يعينه..
محدا عرف وشلون حاله بلياك..
عزيز نفس ولا رضى بالغبينه..
البعد يغبن والغبن كيف ينساك..
من زود حبك صرت دمعه بعينه..
يخاف تنزل من عيون تتمناك..
حال الفراق المر بينك وبينه..
يرمي حبال الوصل يمك ولا جاك..
شاعر صدى حرفه يترجم انينه..
يموت حي لا فقد مثل شرواك..
هذا انا وجروح قلبي دفينه..
تعال داوي جروح بعدك بدمعاك..
هذا انا ودموع قلبي سجينه..
هذا انا ياصاحبي لا عدمناك..
ارجع بدونك حلو الايام شينه..
ياخي حرام ارجع ترى الكل يبغاك..
بالله ارجع ضاق وجه المدينه..
تبكي مبانيها من اسباب فرقاك..

شكرن

يسلمووو وهم على المووضوع

الابياات رووعــــــــة والارروع انوو موضوعك

لاعدمنـــ هالذوووق

ابداااااع

يسلمووو على الكلمات الرائعه

يعطيك العافيه

تحياتي

يسلموووو على ردودكم الحلوه وبتلقون كل جديد..؛

يسلموووو على ردودكم الحلوه وبتلقون كل جديد..؛