ماهو شعورك لما حد يرد عليك بهالردود؟؟؟

بــســم اللهـ الـرحـمـن الـرحـيـم

كيفكم شباب وبنات

اقررو وبتمعن
ما هو شعورك

عندما تتحدث الى احد في موضوع مهم وتتعمق
معه بالكلام ويجاوبك
( ياأخي ياكثر ما تتكلم )



ما هو شعورك
عندما تطلب من شخص قريب الى قلبك مساعده في موضوع
معين او نصح او ارشاد
ويرد قائلا
( انا مو فاضي لك )




ما هو شعورك
عندما تتعامل مع شخص بكل طيبه واحترام وتمد له يد العون
وتقدره وهو لا يبالي ولا يلتفت لك وعندما تعاتبه على ذلك
يرد قائلا
( لو دريت ماعطيتك وجه !!!! )



ما هو شعورك
عندما يطلب منك واجب مدرسي او مهني منسوب اليك
وقمت بعمله بكل اتقان ودقه وامتياز .
وفي الآخر .
يرد عليك
( شكرا لك )
بالعربي كانك ماسويت شي مميز !!!



ما هو شعورك
عندما تتعامل مع الناس باللطف والحسنى واللين
وترد عليهم بالكلام اللبق والمؤدب
ويرد عليك
( هات من الاخر انت تبي شي )



ما هو شعورك
عندما تشعر بالوحده والضيق وتريد التحدث مع شخص
معين لتشكو له لو قليل من مابداخلك
ويرد عليك
( ياخي ايش النكد هذا الي فيك )





ما هو شعورك
عندما تقوم بارسال هديه لشخص معين
ولو كانت بسيطه جدا
لكن بمعناها لديك كبيره
ويرد عليك
( مالقيت احسن من هذي )



ماهو شعورك
عندما تكون قليل الكلام مع الاخرين ولا
تتكلم الا بما هو مفيد
ومنفع
ويرد عليك
( ياخي انت معقد , انت انسان ممل )



لكن اللي مو محترم مع نفسه كيف يحترم الأخرين ..؟

و يبقى سؤالي لكم ....

ماهو شعورك عندما يرد عليك بمثل هذا الرد

طبعا مو سؤال كل الاسئله


تحيااااااااتي ::: حمامة

خيووووووووووووه باااختصاااار شعوووري على هذيلا كلهم اتمنى الارض تنشق وتبلعني ولا انحط في نص هالمواقف لان النص الثاني نحطيت فيه بس مانشقت الارض وبلعتني ههههههههههههه يسلموموموموو عالطرح

صراحه ..... مو قادر اتخيل كيف بيصير شكلي ..... لا تعليق ..... من جد كلام يقهر ويبط الكبد....


يسلموووووووووو على الطرح المميزززز ....


يعطيكي الففففففففففففففففففففففففففففففففففف عافيه ....

مع انكم مارديتوو بس وجودكم بصفحتي هو الرد كله بالنسبه لي مشكور خيوه على مرورش اللي يجنن دايم


ومشكور دفااا اهم شي انك دفيت صفحتي بوجودك

ههه جان يصير وجهي طمطمه ولا ادري وين اوديه من الفشله خخ
والله لكن في نفس الوقت خاطري اسطرهم وابدهم

باختصار ماقدر اصلح الكون

هههههههه اختي بقايا موبس طماطيه كل الالوان احسها بتمر علينا من الفشله والله لايحطنا بهالمواقف


ومشكوره ع مرورك

امووووت من القهر ونفسي اقتلهم وصح كلام غلا مانقدر انصلح الكون بس الي فيه هذا الطبع
الله يعينه كيف يتحمل نفسه اذا غيره مو متحملنه

ايه والله وتسللمولي بقايا وغلا على مروركم